Aviso legal

Lege oharra

Lege ohar hauek KUTXABANK, SA enpresak (aurrerantzean SOZIETATEA) Interneteko erabiltzaileei dohainik eta izena emateko beharrik gabe eskaintzen dien “www.kutxabankinmobiliaria.es” (aurrerantzean Web orria) Web orriaren erabilera erregulatzen dute.Web orria erabiltzeagatik bakarrik, erabiltzaileak horiek osotasunean onartzen ditu, salbuespenik gabe, eta SOZIETATEAK edozein momentutan aldatu ahalko ditu. Erabiltzaileek, halaber, eduki edo zerbitzu zehatzekin lotuta jakinarazten zaizkien baldintza berezien, oharren edo jarraibideen araubideen menpe egongo dira, lege ohar honetan aurreikusitakoa osatzen dutenak, horien aurkakoak ez badira

1.            IDENTIFIKAZIO DATUAK

Informazioaren Gizartearen eta Merkataritza Elektronikoaren Zerbitzuei buruzko uztailaren 11ko 34/2002 Legearen 10. artikuluak jasotako informazio eginkizuna betez, ondoren datu hauek islatuko dira:

Web orri honen enpresa titularra KUTXABANK, SA da, espainiar naziotasuna duena, eta gizarte helbidea Galtzada Nagusia 30, 48009, Bilbo, I.F.K. zenbakia: A-95653077, eta egoki inskribatuta dago Bizkaiko Merkataritza Erregistroan, 5226. alea, 0. Liburua, 1. folioa eta BI-58729 orria, 1. Inskripzioa.

Web orria erabiltzeak, hura erabiltzen duen pertsonarentzat baldintza orokor guztiak erabat onartzea suposatzen du web orrian sartzen den momentutik, Legearen arabera jarduteko konpromisoa hartzen duela.

2.            WEB ORRIAREN XEDEA:

SOZIETATEAK eskainitako eta emandako higiezinen eta produktu eta zerbitzuen ezagutza erraztea. Erabiltzaileei SOZIETATEAK edo hirugarren hornitzaileek Web orrian eskura jarritako zerbitzu eta eduki ezberdinetan sartzea eta erabiltzeko aukera eskaintzea, baita etorkizunean sor daitezkeen aurrekoaren berdina den edo horrekin lotutako beste edozein eduki ere.

3.            BABESTUTAKO ESKUBIDEAK:

 

A.           Eduki eta hizkuntza informatikoaren babesa:

Web orri honen edukiak testu, logo, marka, datu-base, dokumentu, irudi, audio- bideo-osagai, kode informatikoen edo bertan barne hartzen den beste edozein ezaugarriekin (aurrerantzean “Edukia”) konfiguratuta egon daitezke, eta SOZIETATEARENAK dira eta Jabetza Intelektualaren Legearen bidez babestuta daude.

Era berean, Web orri honetan marka izendatzaile, misto eta grafikoak erabiltzen dira, eta erregistratuta daude. Industria jabetzaren legeek horiek bidegabe erabiltzea debekatzen dute.

SOZIETATEAK edukiak eta zerbitzuak erabiltzeko beharrezko baimenak ditu, hirugarrenek legearen arabera eman dizkionak helburu honetarako berariaz erabiltzeko.

Aurrekoaren ondorioz, erabat debekatuta daude legez kontrako jardunak, zilegi ez direnak edo fede onaren eta ordena publikoaren aurkakoak; baita Web orri honetako edukiak osorik edo zati batean erreproduzitzea, banaketa, transmisioa, kopia edo edozein erabilera helburu publiko edo merkataritza helburuekin, SOZIETATEAREN baimenik gabe, hortik Jabetza Intelektualaren, Patente eta Marken Legea, publizitate eskubideak edota ezar daitekeen lotutako beste edozein legedia urratzeagatik sor daitezkeen ondorio legalak abiaraziz.

SOZIETATEAK erabiltzailea zerbitzutik kanpo uzteko eskubidea erreserbatzen du eta une oro egokitzat jotzen dituen neurri guztiak hartzekoa, aurretik adierazitako jarrerak eta jardunak ekiditeko asmoz.

Web orrian sartzeak ez du aipatutako eskubideak ukatzea, transmititzea edo zati batean edo osorik ematea suposatzen, eta ez du jabetza industrialaren eduki edo ondasunen gaineko erabilera, aldaketa, banaketa, ustiaketa, erreprodukzio edo komunikazio publikorako eskubiderik ematen SOZIETATEAK edo eskubidearen titularra den hirugarrenak, hala badagokio, horretarako aurretiko eta berariazko baimena ematen ez badu, zehazki helburu horretarako, erabiltzailearen erabilera pertsonal eta esklusiborako kopiak ikusi eta egiteko eskubideak salbu, fede onaren eta ezar daitekeen legediaren printzipioen arabera gauzatu beharko direnak, betiere.

B.            Kalte-galerengatiko ardura:

Erabiltzaileak Web orria erabiltzearekin lotuta baldintza orokorretatik edo legetik sortutako edozein eginkizun ez betetzearen ondorioz SOZIETATEAK pairatutako kalte-galeren erantzulea izango da.

4.            ERABILERA BALDINTZAK

SOZIETATEAK webgune honen edukiak aldatzeko eta ezabatzeko eskubidea erreserbatzen du, baita horien sarrera mugatzekoa ere.

Web orri honetan dagoen informazioa erabiltzea erabiltzailearen erantzukizuna da, eta jakinda orri batzuk momenturen batean eguneratu gabe egon daitezkeela.

Beste webgune batzuetarako loturak (linkak) informaziokoak dira. SOZIETATEAK ez du horien edukiaren ardura bere gain hartzen.

 

 

 

5.            INFORMAZIOAREN ERABILERA

SOZIETATEAK erabiltzaileengandik lortutako informazioa Web orriko beraien esperientzia hobetzeko eta produktu eta zerbitzu egokienak eskaintzeko erabiltzen du, datu pertsonalak eskatu diren helbururako bakarrik erabiliko direla bermatuz momentu oro, abenduaren 13ko 15/1999 Lege Organikoan eta DBLO klausulan aurreikusitako terminoei jarraiki. Datuak bidaltzeak horiek tratatzeko baimen inplizitua darama.

6.            “COOKIEN” ERABILERA

“Cookien” gaineko informazio gehiago lortzeko, honako helbide honetara jo dezakezu: https://portal.kutxabank.es/cs/Satellite/kb/es/politica_de_cookies/generico_sm. Erabiltzaileak bere nabigatzailea konfiguratu dezake “cookien” jasotzeaz ohartzeko edo disko gogorrean instalatzea galarazteko, baina honek Web orriaren funtzionagarritasun osoari dagokionean mugaren bat ekar dezake.

Webgune honek Google Analytics erabiltzen du, Google, Inc.-ek emandako zerbitzu bat, Delawareren enpresa, 1600 Amphitheatre Parkway, Mountain View (Kalifornia), CA 94043, USA ("Google") helbidean kokatutakoa.

Google Analytics-ek web orriaren erabilera aztertzeko "cookieak" erabiltzen ditu. Sortutako informazioa (IP helbidea barne), Googlek artxibatuko du USAko zerbitzarietan. Googlek ez du zure IP helbidea lotuko eduki dezakeen bestelako edozein daturekin.

Googlek gure kontura erabiliko du informazio hori, webgunean egiten duzun erabileraren gaineko segimendua egiteko. Horretarako, jarduerari buruzko txostenak bildu eta webgunearen jarduerarekin eta Interneteko erabilerarekin zerikusia duten zerbitzuak ematen ditu. Googlek hirugarrenei helarazi ahalko die aipatu informazioa, legediak hala eskatzen duenean edo aipatu hirugarrenek Googleren kontura prozesatzen dutenean informazioa.

Webgune honen erabilera Googlek lehen adierazitako informazioaren tratamendua egiteko baimena dakar.

7.            BERMEAK BAZTERTZEA ETA ERANTZUKIZUNA

SOZIETATEAK ez du ondorengoen ardura bere gain hartuko:

 -             Edukien erabilera txarra edo okerra, eta horiek aldatzeko, ezabatzeko, mugatzeko eta bertan sartzea ukatzeko eskubidea erreserbatzen du, aldi baterako edo behin betirako, egokitzat jotzen duenean. Konexioa bitartean erabiltzailearen sistema informatikoan (hardwarea, softwarea edo fitxategiak) aldaketak sor ditzaketen arazo teknikoak.

 -             Legez kanpoko sartzeen bidez hirugarrenek sor ditzaketen kalteak, SOZIETATEAREN kontrolpean ez daudenak.

 -             Produktu edota zerbitzuen eskaintza edota sustapenarekin lotuta sor daitezkeen desadostasun posibleak, inprimatutako bertsioan eta Web orrian argitaratutako horien bertsio elektronikoan jasotakoa.

 -             Eguneratu gabeko nabigatzaileen bertsioak erabiltzeagatik sor daitezkeen arazoak, edo nabigatzailea gaizki dabilelako edo gaizki erabili delako sor daitezkeen ondorioak.

 -             Web orri honetan dagoen dokumentazio grafiko guztia orientagarria da soilik.

 -             SOZIETATEAK ez du erantzukizuna izango, inolaz ere, ez modu zuzenean ezta modu subsidiarioan ere, erabiltzaileen edo hirugarren pertsona edo entitate baten edozein motatako eduki, informazio, komunikazio, iritzi edo adierazpenen gainean, Web orriaren zerbitzuen bidez komunikatu, zabaldu, helarazi edo ikusarazten dena.

 -             SOZIETATEAK erabiltzaileen esku jartzen ditu hirugarrenen Webguneetan sartzeko aukera ematen dizkieten loturak edo bilaketa erremintak, informazio zehatza emateko edo zabaltzeko xedez, baina ez ditu Webgune horietako produktu, zerbitzu edo informazioak berrikusten, eta ez du adierazitako informazio hori eskuratu edo erabiltzeagatik sortutako kalte edo galerengatik erantzukizunik hartzen.

 -             SOZIETATEAK ez du erabiltzaileek Web orria nola erabiltzen duten kontrolatzeko betebeharra, eta beraz, ez du hirugarrenen aurrean horiek egiten duten erabilera okerra bermatzen, edozein kasutan beraien ardura izango da baldintza orokor hauetan adostutakoa ez betetzea.

 -             SOZIETATEAK ez du Web orriaren, haren zerbitzu eta edukien eskuragarritasuna eta funtzionamenduaren jarraikortasuna bermatzen; eta posible balitz, SOZIETATEAK aurretik abisatuko du funtzionamenduan etenak baldin badaude. SOZIETATEAK ez du erantzukizunik izango web orriaren edo bere zerbitzuetako edozeinen eskuragarritasun edo jarraikortasun faltagatik edozein kalte edo galera sortzen denean, edo Web orrian edo zerbitzu zehatzak ematen dituzten horietan sartzeko akatsengatik

8.            EZAR DAITEKEEN LEGEDIA ETA JURISDIKZIOA

Baldintza hauek guztiak edo baten bat ez betetzeak epaiketa prozesu bat sor dezake, eta horren ondorioz sor daitekeen edozein desadostasun Espainiako Auzitegi eta Epaitegien menpe egongo da, foruen arabera egokitzen den beste edozein berariaz ukatuz.

 

Lege ohar honen edukia eguneratu daiteke. Beraz, aldizka kontsultatzea gomendatzen da.

Eta hirugarrenen egiteko erabiltzen saioan eta zure lehentasunak mantentzeko, erabiltzailearen esperientzia pertsonalizatu eta estatistikak web loturak lortzeko.
Jarraitu nabigazio egindako instalazio-baldintzak. begiratu gure. Politika gailetak eta nola ezarpenak aldatzeko.